Inauguración da exposición ESTUDIO ABERTO II

Enredarte Estudio Aberto II

Enredarte Estudio Aberto II

Inauguración da exposición ESTUDIO ABERTO. II Residencia artística (Proxecto EnREDarte)  integrada por :

– Mónica Trastoy
– José M. Luque
– Eva Cruz, Edurne Herrán
– Elena Gaztelumendi
– Paz Vicente
– Cristóbal Tabares
– Ro-Ro

Que terá lugar mañá venres, 9 de agosto de 2013, ás 20:00 horas, na Sala de Exposicións do Pazo de San Marcos (Deputación Provincial de Lugo).

Rúa San Marcos s/n
Tel.: 982 242 112
www.museolugo.org / difusion@museolugo.org

Segunda residencia artística Estudio Aberto

Enredarte Estudio Aberto II

Enredarte – Estudio Aberto II

Estudio Aberto é unha iniciativa encadrada no proxecto EnREDarte, na que mediante dúas residencias artísticas, 12 artistas seleccionados conviven nun proceso de creación dialogada a través dun obradoiro conxunto e aberto. Durante unha semana, os visitantes atopan na Sala de Exposición do Pazo de San Marcos, un espazo vivo dinámico, en constante cambio, contenedor de experiencias compartidas, tomando ao público como axente activo das obras.

Rematada a primeira residencia, mañá xoves, día 1 de agosto, dará comezo a segunda das residencias que, ata 7 de agosto, vaise desenvolver segundo o seguinte programa:

1. Agosto: 11.30h_Presentación e apertura desta segunda residencia no Museo Provincial de Lugo  por Encarna Lago González, xerente da Rede Museística da Deputación de Lugo e Paula Cabaleiro, coordinadora de Estudio Aberto, na que participan os artistas Mónica Trastoy, José M. Luque, Eva Cruz, Edurne Herrán, Elena Gaztelumendi, Paz Vicente, Cristóbal Tabares e Ro-Ro.

 

1<7. Agosto: traballo colectivo dos artista citados no espazo (Sala de Exposicións do Pazo de San Marcos)  Horario: 10 a 14h/ 16.30 a 20.30h

1<7. Agosto: 19.00h_ UN DÍA, UN ARTISTA… presentación de proxectos

Xoves 1: José M. Luque / Venres 2: Cristóbal Tabares e Ro-Ro + Elena Gaztelumendi  Sábado 3: Mónica Trastoy / Domingo 4: Paz Vicente / Luns 5: Edurne Herrán / Mércores 7: Eva Cruz

CHARLAS CON… 

(Visita de profesionais do sector: comisarios, críticos, xestores culturais, artistas…)

 

Sábado 3: 20.00h_Charla con JAVIER BLANCO

Director da galería de arte Metro (Santiago de Compostela)

 

Martes 6: 15.30h_SAÍDA A CORUÑA

 

17.00h : Visita a Fundación Luís Seoane

Charla coa directora, SILVIA LONGUEIRA

18.30h : Visita a MAC (Museo de Arte Contemporánea)

Charla co Departamento de Didáctica

 

Mércores 7: 20.00h_Charla con DAVID BARRO

Comisario independente, director da revista de arte DARDO

 

8<9. Agosto : MONTAXE EXPOSICIÓN

9. Agosto : INAUGURACIÓN EXPOSICIÓN

9<25. Agosto : EXPOSICIÓN. clausura o domingo 25

I Simposio Arte e Natureza no Museo Pazo de Tor

O deputado delegado da área de Cultura e Turismo da Deputación de Lugo, Mario Outeiro, e a xerente da Rede Museística, Encarna Lago, presentaron o programa do I Simposio Arte e Natureza (incluído no proxecto global EnREDarte) que se vai desenvolver este verán no Museo Pazo de Tor, en Monforte de Lemos. Este I Simposio Arte e Natureza consta de dúas fases: a primeira, un Encontros co artista Fernando Casás no Pazo de Tor, e a segunda a execución dunha Convocatoria aberta de proxectos de intervención Arte e Naturaleza no Pazo de Tor.

I Simposio Arte e Natureza [encontros co artista Fernando Casás no Pazo de Tor]
Os movementos culturais foron asimilados pola nosa sociedade e orientados aos fins que esta considera válidos. ¿En que posición se atopa o artista e como se presentan os movementos de Arte & Natureza cando a ecoloxía pasa a ser a base do pensamento politicamente correcto? O esforzo de non ser absorbido polos intereses dominantes lévanos á deslectura como busca da experiencia subxectiva e primixenia, ao mesmo tempo que pode ser o vehículo para atopar a posibilidade dunha comunicación e intercambio distanciados do establecido. A idea da existencia do paraíso e da súa perda definitiva, e a busca da posibilidade remota dun sistema alternativo aínda sobrevive en escasos lugares do pensamento e da sociedade. Desculturas que nos abren á busca dun universo paralelo a través da natureza, das plantas e dos espazos cargados de poder.
Fernando Casás, xullo 2013

PROGRAMA

27 e 28 de xullo de 2013 > Museo Pazo de Tor

> Sábado > 27 de xullo > 10.30h. >Conferencia Inaugural : Arte e natureza: civilización e urxencia doutra realidade, por Fernando Casás
[considerado coma un dos iniciadores dos movementos de Arte e Natureza, vive e traballa entre España e Brasil. Dende finais dos anos 70, e no medio dun entorno tropical, comeza a fraguar unha obra de marcado carácter conceptual, moitas veces efémera e vinculada a evidenciar e reflexionar sobre a memoria e o paso do tempo na natureza. Desprazando a arte da súa posición convencional para ubicala na natureza e recollendo trozos da natureza para introducila en museos, galerías e espazos urbanos, a súa obra funciona como metáfora epistemolóxica da quebra das fronteiras entre natureza e cultura]
> Visita ao Pazo de Tor e finca
> Comida no Pazo de Tor

> Sábado >sábado, 27 de xullo > 16.30h. >Mesa Redonda: A angustia do paraíso perdido
Interveñen:
Fernando Casás (artista e profesor na Facultade de Belas Artes da UVIGO)
Ruth Montiel (artista multidisciplinar especializada en intervencións na natureza)
Alberto Ruíz de Samaniego (profesor de Estética e teoría das artes da UVIGO. Crítico cultural e comisario de exposicións)
David Barro (crítico, comisario e director da revista de arte DARDO magazine)
>Visita á Ribeira Sacra

>Domingo >domingo, 28 de xullo > 11.00h. >Mesa Redonda: Paraíso como natureza
Interveñen:
Fernando Casás (artista e profesor na Facultade de Belas Artes da UVIGO)
Federico López Silvestre (profesor doutor de Historia das Ideas Estéticas Moderna e Contemporánea na USC e cunha importante tese dedicada á paisaxe)
Lucía Loren (artista madrileña especializada en arte e territorio, con numerosas intervencións na natureza e rural en toda España)
Chus Martínez (crítica de arte e comisaria de exposicións independente)

FORMULARIO DE INSCRICIÓN

-Formulario de inscrición I Simposio Arte e Natureza [encontros co artista Fernando Casás no Pazo de Tor]: http://bit.ly/12jA1CI

Convocatoria aberta de proxectos de intervención Arte e Naturaleza no Pazo de Tor, enmarcada dentro do proxecto global EnREDarte.
Número de Prazas |50
Destinatarios | Prioritariamente artistas, aínda que tamén se abre a historiadores da arte e outros axentes do sector.
Lugar | Rede Museística, Pazo de Tor.
Prazo de presentación dos proxectos: ata as 14:00 horas do 10 de agosto de 2013.
Publicación da resolución cos proxectos seleccionados: 12 de agosto de 2013.
Intervención no Museo Pazo de Tor: do 20 ao 25 de agosto de 2013

Toda a información nas seguintes bases:
– BASES Convocatoria proxectos de intervención Arte e Naturaleza no Pazo de Tor:http://bit.ly/12tdFgW

Coordinación | Encarna Lago e Pilar Sánchez
Máis información: xerencia-redemuseos@deputacionlugo.org / tfnos.: 982242112 / 699 836 883

Estudio aberto – colaboración colectiva

Estudio Aberto é unha iniciativa que bebe das directrices do proxecto Enredarte no que se enmarca: EXPERIENCIA, VISIBILIDADE e o compendio CREAR-COMPARTIR-PARTICIPAR.
Mediante dúas residencias artísticas, 12 artistas seleccionados rigurosamente por un xurado de profesionais da arte, conviven nun proceso de creación dialogada a través dun taller conxunto e aberto. Durante unha semana, os visitantes atopan na sala de exposición do Pazo de San Marcos, un espazo vivo, dinámico, en constante cambio, contedor de experiencias compartidas, tomando o público como axente activo das obras.
A primeira residencia de artistas de Estudio Aberto, que se está a desenrolar na Sala de Exposicións da Deputación de Lugo, do 1 ó 7 de Xullo, está aberta ás ao público en horario de 10 a 14h e 16.30 a 20.00h ata o domingo 7, visitando en plena creación aos artistas Ruth Montiel Arias, Reme Remedios, Senén Olano, Lomarti, Isabel Alonso e Gema López. Ademáis dúas das instalacións, as realizadas por Senén Olano e Reme Remedios, precisan da colaboración colectiva.
Olano desenrolará unha sesión participativa este venres 5 de mañá, para todos aqueles nenos e nenas de entre 5 e 10 anos que se acheguen á sala e queiran participar do seu gran debuxo continuo.

Pola súa conta, a artista Reme Remedios está a recoller pequenos obxectos ao longo da semana que os visitantes lle achegan, para formar parte das súas pequenas instalacións nas paredes da sala.

Estudio aberto

RESIDENCIAS ARTÍSTICAS NO PAZO SAN MARCOS

Estudio Aberto é unha iniciativa que bebe das directrices do proxecto Enredarte no que se enmarca: EXPERIENCIA, VISIBILIDADE e o compendio CREAR-COMPARTIR-PARTICIPAR.

Mediante dúas residencias artísticas, 12 artistas seleccionados rigurosamente por un xurado de profesionais da arte, convivirán nun proceso de creación dialogada a través dun taller conxunto e aberto. Durante unha semana, os visitantes atoparán na sala de exposición do Pazo de San Marcos, un espazo vivo, dinámico, en constante cambio, contedor de experiencias compartidas, que tomarán o público como axente activo das obras. E este proceso culminará na montaxe dunha exposición colectiva coas obras resultantes.

Reflexión e proceso son as claves: tres días ao longo da residencia, os artistas participantes reciben a visita de profesionais do sector (críticos, comisarios, museólogos, galeristas, artistas…) que dun xeito horizontal e aberto dará unha pequena charla e compartirá consellos, opinión e análise.

Para acadar un proceso enriquecedor, tanto para artistas como público, o grupo de creadores escollido é totalmente heteroxéneo en canto a idade, formación, disciplina, orixe xeográfica, conceptos e vías de traballo. VIDEO, PINTURA, INSTALACIÓN, ESCULTURA, PERFORMANCE, DEBUXO, DESEÑO E FOTOGRAFÍA compartirán espazo, xerando sinerxias e colaboración. De este xeito, derivamos noutro termo clave de Estudio Aberto: COMPLEMENTAR.

CRONOGRAMA

XULLO 1<7Xullo : RESIDENCIA ARTÍSTICA I

ARTISTAS SELECCIONADOS:

Reme Remedios, Senén Olano, Ruth Montiel, Gema López, Elena Gaztelumendi e Lomarti. Programa:

1.Xullo: 11.30h_Presentación oficial do Proxecto e apertura da Resistencia

1<7.Xullo: traballo colectivo no espazo Horario: 10 a 14h/ 16.30 a 20.30h

Mércoles 3. Xoves 4.Venres 5. 20.00h :: CHARLAS CON… (Visita de profesionais do sector: comisarios, críticos, xestores culturais, artistas…)

8<11. Xullo : MONTAXE EXPOSICIÓN

11. Xullo : INAUGURACIÓN EXPOSICIÓN

11<28. Xullo : EXPOSICIÓN. clausura o domingo 25

AGOSTO 1<7Agosto : RESIDENCIA ARTÍSTICA II

ARTISTAS SELECCIONADOS:

Mónica Trastoy, José M. Luque, Eva Cruz, Edurne Herrán, Paz Vicente, Cristóbal Tabares e Ro-Ro. Programa:

1.Agosto: 11.30h_Presentación oficial do Proxecto e apertura da Resistencia

1<7.Agosto: traballo colectivo no espazo Horario: 10 a 14h/ 16.30 a 20.30h

Viernes 2. Sábado 3. Lunes 5. 20.00h :: CHARLAS CON… (Visita de profesionais do sector: comisarios, críticos, xestores culturais, artistas…)

8<9.Agosto : MONTAXE EXPOSICIÓN

9.Agosto : INAUGURACIÓN EXPOSICIÓN

9<25.Agosto : EXPOSICIÓN. clausura o domingo 25

Seleccionáronse os artistas que participarán cos seus proxectos en ENREDARTE

Seleccionáronse os artistas que participarán cos seus proxectos en ENREDARTE

Seleccionáronse os artistas que participarán cos seus proxectos en ENREDARTE

Esta mañá, o delegado de Cultura e Turismo da Deputación de Lugo, o nacionalista Mario Outeiro, presentou xunto á xerente da Rede Museística, Encarna Lago, a selección de artistas, feita por un xurado de profesionais do mundo da arte, que farán parte do proceso de creación do proxecto ENREDARTE nas diversas accións que se levan a cabo dentro do proxecto.

Mario Outeiro destacou o carácter multidisciplinar, aberto e inclusivo dun proxecto global como ENREDARTE, “que dan a oportunidade tanto a novos creadores como a artistas xa consagrados, creando unha simbiose moi proveitosa. É un proxecto que abrangue cinco iniciativas que se desenvolven nos catro museos da Rede Museística, a Sala de Exposicións do Pazo de San Marcos e o antigo Hospital de San Xosé. Porén, ademais de plataforma para visualizar os traballos duns artistas determinados, EnredArte é tamén un acicate para promover a creación artística, xa que xurdirán novos proxectos creativos a raíz deste proxecto porque os artistas veranse animados e, ademais, isto tamén axudará a pór en valor os espazos museísticos e os fondos dos propios museos da Rede. Por todo isto, creo que estamos diante dun proxecto dunha envergadura moi grande xa que abrangue todas as esferas artísticas e desde todos os puntos de vista: creación, difusión, posta en valor de novos artistas e de espazos culturais singulares. Que os artistas aproveiten estes recursos e o público se achegue á arte”.

Encarna Lago anunciou cales serán os artistas seleccionados para participar en Estudio Aberto, concibido para artistas plásticos de diferentes disciplinas: pintura, escultura, debuxo, instalación, fotografía, videocreación, etc. A sala de exposicións temporais do Pazo de San Marcos converterase, durante dous meses, nun estudio aberto no que 12 artistas, mediante dúas residencias artísticas no Pazo de San Marcos disporán dun espazo para crear diante dos visitantes, en diálogo directo con eles e cos outros creadores seleccionados. A decisión do Comité de Selección das propostas presentadas á sección de Estudio Aberto do proxecto EnREDarte foi para a residencia de xullo: Reme Remedios, Paz Vicente, Cristóbal Tabares e Ro-Ro, Gema López, Elena Gaztelumendi e Lomarti; Para a residencia de agosto: Mónica Trastoy, José M. Luque, Eva Cruz, Edurne Herran, Senén Olano, Ruth Montiel Arias. Como suplente queda designada Isabel Alonso.

Por outra parte, para Diálogos na Rede, a iniciativa aberta aos artistas que respondan á convocatoria dos catro Museos da Rede Museística Provincial (Museo Provincial de Lugo, Museo Provincial do Mar, Pazo de Tor e Museo Etnográfico de San Paio de Narla) e presenten proxectos de intervención que establezan un diálogo artístico con pezas ou coleccións concretas pertencentes a un dos catro museos da Rede, o xurado seleccionou dous artistas para intervir en cada un dos museos: Enrique Tenreiro, Iago Eireos, Marina Núñez, Oscar Seco, Carmen Llonín, Paula Cabaleiro, Isabel Somoza, Yolanda Dorda.

Dentro da iniciativa Espazos Públicos de Visibilidade, tamén pertencente ao proxecto global ENREDARTE, mañá 11 de xuño, ás 17:30 horas, a xerente da Rede Museística da Deputación de Lugo, Encarna Lago, xunto a Lucía Dequit e Francisca Abuín do departamento de Didáctica da Rede, visitarán o Centro Penitenciario de Bonxe para dar a coñecer ao persoal recluso deste centro os museos lucenses e os seus contidos a través dunha charla, complementada con diversas actividades. Logo, o xoves, 20 de xuño, na Sala Multiusos do MPL, os participantes nesta experiencia, reclusos do Centro Penitenciario de Bonxe, darán a coñecer os seus traballos plásticos aos visitantes con unha exposición.

O proxecto Enredarte porá a disposición de artistas e creadores as instalacións culturais da Deputación

Mario Outeiro e Encarna Lago na presentación de Enredarte

Mario Outeiro e Encarna Lago na presentación de Enredarte

O delegado da Área de Cultura e Turismo da Deputación de Lugo, o nacionalista Mario Outeiro, presentou esta mañá no Museo de Lugo o proxecto Enredarte, un proxecto global que aglutina cinco iniciativas para incentivar a creación, promoción e difusión das artes visuais, escénicas, musicais, literarias dotando aos artistas de espazos culturais para as súas creacións. Na presentación do proxecto tamén participou Encarna Lago, xerente da Rede Museística e coordinadora do mesmo proxecto e preto de corenta artistas que quixeron participar nesta presentación pública dun ilusionante programa que bota a andar.

Na súa intervención, Mario Outeiro afirmou que “con este proxecto tan ambicioso cremos que cumpriremos cun dos obxectivos de toda instancia e administración cultural, fornecer aos novos artistas e creadores, aínda que tamén aos consagrados, duns espazos óptimos para mostrar ao público as súas creacións, co que os dotamos dos medios necesarios para pór en valor o seu traballo. Porén, ademais de plataforma para visualizar os traballos duns artistas determinados, EnredArte é tamén un acicate para promover a creación artística, xa que xurdirán novos proxectos creativos a raíz deste proxecto porque os artistas veranse animados e, ademais, isto tamén axudará a pór en valor os espazos museísticos e os fondos dos propios museos da Rede. Por todo isto, creo que estamos diante dun proxecto dunha envergadura moi grande xa que abrangue todas as esferas artísticas e desde todos os puntos de vista: creación, difusión, posta en valor de novos artistas e de espazos culturais singulares. Non podemos máis que traballar e desexar que sexa o éxito que todas e todos agardamos”.

Tal e como explicou Mario Outeiro, este proxecto desenvolverase ao longo do segundo semestre deste ano e componse “de cinco iniciativas para incentivar a creación, promoción e difusión da arte: diálogos na Rede, Espazos públicos de visibilidade, Estudio Aberto, I Simposio Arte e Natureza no Pazo de Tor e SAUDARTE, que darán vida a todos os espazos da nosa Rede Museística e o último, Saudarte, que será unha ocupación temporal do edificio do Hospital San Xosé seguindo o ronsel do exitoso proxecto EntoleArte que enchera o antigo psiquiátrico de Castro de propostas artísticas de case un cento de artistas”.

Espazos públicos de visibilidade – 1 de xuño a 31 de decembro de 2013 – Museos da Rede Museística Os Museos da Rede ofrecen os seus espazos dispoñibles para a presentación diante do público de calquera proposta artística : teatro, música, danza, humor,… Haberá unha convocatoria para a presentación de proxectos individuais ou colectivos. Cos proxectos seleccionados establecerase un calendario de actuacións en distintos espazos (pechados e abertos) dos catro museos. A Rede Museística Provincial organiza o programa, facilita os espazos e ocúpase da promoción e difusión de todas e cada unha das intervencións.

Estudio aberto – 1 de xullo a 31 de agosto de 2013 – Sala de exposicións da Deputación de Lugo Concibido para artistas plásticos de diferentes disciplinas: pintura, escultura, debuxo, instalación, fotografía, videocreación. A Sala de exposicións temporais do Pazo de San Marcos converterase, durante dous meses, nun estudio aberto no que os artistas, elixidos mediante convocatoria pública, disporán dun espazo para crear diante dos visitantes, en diálogo directo con eles e cos outros creadores seleccionados.

I Simposio Arte e Natureza no Pazo de Tor – xullo de 2013 – Pazo de Tor Xornadas de traballo no pazo de Tor arredor da arte e da natureza. Admitiranse proxectos de artistas que fan arte terrestre ou de integración das artes na natureza, especialmente aqueles que traballan con madeira, terra, pedra, area, auga, rocas … e que adapten as súas ideas concretas de traballo á contorna do Pazo de Tor e ao diálogo co público. Un xurado seleccionará a catro artistas entre os que presenten as súas propostas. Tamén estará aberta a posibilidade de presentar relatorios en relación co tema do simposio.

SAUDARTE – setembro de 2013 – Hospital de San Xosé de Lugo Proxecto para un edificio que foi hospital e que non ten aínda un destino de uso definido para o futuro. Trátase de abrir temporalmente as súas dependencias para presentar todo tipo de intervencións e propostas artísticas en diferentes eidos creativos: artes visuais, escénicas, musicais, literarias …. Un xurado cualificado seleccionará trinta propostas, individuais ou de grupo, para intervir neste proxecto que segue o ronsel do que tivo lugar no tamén pechado Hospital Psiquiatrico San Rafael de Castro: Entolearte. Valoráranse especialmente (pero non de xeito excluínte) aqueles proxectos que, en relación co antigo uso do espazo expositivo, fagan referencia á enfermidade e a saúde ou aos valores curativos da arte.